На 05.04.2024 година, во хотел Мериот во Скопје, успешно се одржа настанот во иницијација и со поддршка на МАКП, а во соработка со Schoenherr, на тема “Податоците како клучно средство во дигиталната ера”. Настанот со свое излагање го отвори претседателот на МАКП, а понатаму имавме можност да слушнеме неколку сесии во формат наменет за корпоративни правници, а водени од експертите од Schoenherr, околу практичните механизми во управувањето со податоци од областа на трудот и работните односи, конкуренцијата и интелектуалната сопственост.
Настанот на кој имавме повеќе од 50 учесници, се заврши со осврт на новитетите кои следат со новиот Закон за деловна тајна, за усогласување со Директивата ЕУ 2016/943, по што со задоволство го продолживме нашето петочно дружење.







