За нас

Македонската Асоцијација на Корпоративни Правници (МАКП) е основана на 9 декември 2022 година од група ентузијасти со визија за создавање на уникатна заедница за поддршка на правните професионалци од деловниот сектор, кои живеат и работат во секојдневниот бизнис свет.

МАКП е прва организација од својот вид во Северна Македонија, која ги обединува корпоративните правни советници активни во различни индустрии, дел од национални и интернационални корпорации.

Ние го претставуваме гласот на корпоративниот правен советник, со цел да се постигнат највисоките стандарди во професијата, неопходни за успехот и растот на секој бизнис.

Кои сме ние

Вредности

МЕРИТ

Ние веруваме дека сè што правиме и создаваме е награда за нашата способност, напорната работа и вештини.

АКЦИЈА

Ние не чекаме спасители. Секојдневно донесуваме брзи одлуки, но базирани на силни аргументи, и веднаш реагираме во создавањето и спроведувањето на решенија за постојаните предизвици со кои се соочуваат бизнисите.

КРЕАТИВНОСТ

Ги тренираме нашите умови и секогаш се стремиме да ги забележиме предизвиците од различни перспективи и да понудиме соодветни одговори кои финално ги штитат бизнисите.

ПОЗИТИВНОСТ

Животот полн со сериозност и стрес не значи дека треба да го изгубиме нашиот хумор и позитивноста. Го негуваме нашиот ентузијазам и енергија и ги интегрираме во нашата работа.

За што се залагаме

Визија

Поддршка за зголемување на ресурсите

за целосно екипирани и опремени правни оддели во приватните компании, кои работат во средина која постојано е динамична и со растечки број на регулативи.

Унапредување и примена на уникатното знаење и искуство

кое го имаат корпоративните правници, преку својот развиен менталитет од долгогодишниот период на проценки и примена на правни решенија за реални случаи во корпоративниот и бизнис сектор.

Подобрување на функционалноста на системот и етичките вредности

како наши обединувачки и поттикнувачки мотиви, да го прифатиме предизвикот за постојано подобрување и со тоа да предизвикаме позитивна промена во општеството и заедницата во која живееме и работиме.

Раст и залагање за вредноста

на професијата корпоративен правен советник.

Како дејствуваме

Цели

Промоција и развој на репутацијата и влијанието на професијата.

Измени во тековнато законодавство за прифаќање и регулирање на работата на корпоративниот правник кај неговиот работодавач, со статус на привилегирана информација (еднаква на привилегијата меѓу адвокат-клиент).

Зголемување и залагање за етика во работата на корпоративните правници и операциите на бизнисот.

Афирмација на улогата на корпоративниот правник во економијата и создавање на услови за правна регулација на професијата преку основање на комори или други облици на здружување за таа цел.

Спротивставување на корупцијата, судирот на интереси, произволните права, прекумерната регулација и бирократските практики кои ги отежнуваат операциите во бизнисот.

Подигнување на улогата на корпоративниот правник во заштита на операциите на бизнисот.

Креирање на силни врски помеѓу корпоративните правници во земјата и странство.

Соработка со судови, јавни обвинителства, државни органи и институции, комори, меѓународни организации и факултети.

Следење и изготвување на предлози за промени во законодавството за постигнување на висок степен на хармонизација со законодавството на ЕУ.

Иницијативи за мерки и промени во законодавството кои го олеснуваат растот на инвестиции од странски и домашни компании и подобрување на соработката помеѓу нив.

Размена на знаење, идеи, искуства и информации.

Промоција, развој и претставување на нови технологии и дигитални решенија во правните операции.

Инспирација на силни врски полни со живост и ентузијазам во сериозниот свет на правото во деловниот свет.

Во првите борбени редови