Регионален Правен Бизнис Форум, 05.11.2025, Златибор

Регионалниот правен бизнис форум во Златибор (Regional Legal Business Forum 2025) и оваа година се потврди како едно од најзначајните собири на правните професионалци во регионот. Настанот собра над 500 учесници од Србија, Македонија, Црна Гора, БиХ, Хрватска и Словенија, што уште еднаш ја потврди неговата важност за развојот на корпоративното право во регионот.

Програмата на форумот опфати различни актуелни правни и деловни теми како што се: улогата на правната функција во застапувањето на интересите на компаниите; предизвиците з во дигиталната арена, правните аспекти за заштита на конкуренцијата, енергетските перспективи за регионот, меѓународни санкциите и нивните импликации, примената на ESG-стандардите и усогласеноста на компаниите и други. Посебно интересен и интерактивен беше панелот за очекувањата на директорите од корпоративните правници, каде што Милорадот Крстиќески од British American Tobacco и Саша Марковиќ од Coca-Cola Hellenic  ги споделија своите искуства од работата со правните оддели во компаниите.


Традиционално, Македонската Асоцијација на Корпоративни Правници активно учествува и го поддржува овој форум. Оваа година, претседателот на МАКП, Иван Петрушевски го отвори вториот ден од настанот при што ги презентираше резултатите и рапидниот раст на асоцијацијата. Посебно ги истакна значењето на интелектуалната независност на корпоративниот правник и потребата за развој на сопствен (регионален) модел на статусот на компаниските правнци.

Македонската Асоцијација на Корпоративни Правници останува посветена на размена на искуства и регионално партнерство во интерес на целокупната правна заедница.